കടവിലേകൻ

കടവുകളൊഴിഞ്ഞിരിക്കുന്നു . അവസാന ആരവുമായി ദൂരെ പൊട്ടു പോലെയൊരു യാനം ... കൽപ്പടവുകളിൽ ചൂടൊഴിഞ്ഞിട്ടില്ല കൈകോർത്ത് ചേർന്നിരുന്നതിൻ്റെ തരിപ്പിനാൽ കല്ലിനും വിറയലോ ! ഇവനേ .... നീയിരുന്നയിടത്തിൻ്റെ ഒരടയാളം ബാക്കി വെച്ചാണോ നീയാരവങ്ങളിൽ നിന്ന് മടങ്ങിയത് ? സൗഹൃദത്തിൻ്റെ പൂരക്കളി നടന്നതിവിടെയായിരുന്നു ... ഞാനപ്പോൾ നീലനിലാവിൽ തെങ്ങിൻ നിഴൽപ്പാടുകളിൽ ഒരു യക്ഷനായി അലയുകയായിരുന്നു .. പ്രിയനേ ഇവനേ നമ്മുടെ സൗഖ്യ നിമിഷങ്ങളെക്കുറിച്ച് നിൻ്റെ കൂട്ടങ്ങളോട് പറഞ്ഞുവോ ???